China Ta Kaddamar da Sabuwar Visa K-Don Jawo Masanan Fasaha Daga Kasashen Duniya Yayin Gasa da Amurka

China ta kaddamar da sabon shirin visa mai suna K-visa domin jawo kwararrun masu fasaha daga ketare, matakin da masana ke cewa wani ɓangare ne na yunƙurin Beijing na ƙarfafa matsayinta a fagen ƙirƙire-ƙirƙire da gasa da Amurka.

Shirin K-visa, wanda aka fara aiwatarwa a watan da ya gabata, zai sauƙaƙa wa injiniyoyi, masana bincike, masu kirkire-kirkire da sauran kwararru na fasaha daga kasashen waje zama da aiki a China.

Wannan na zuwa ne a lokacin da shirin aikin visa na Amurka H-1B, wanda tsawon lokaci ke jawo kwararrun fasaha zuwa Silicon Valley, ke fuskantar ƙarin takunkumi da rashin tabbas.

Wasu na ganin sabon K-visa zai sa China ta zama madaidaiciyar madogara ga kwararrun da ke neman sabbin dama.

Duk da haka, akwai damuwa game da matsalar harshen Sinanci, al’amuran siyasa da dokokin kasuwanci, waɗanda ka iya shafar nasarar dogon lokaci.